4 Commenti

• 
• mikkelj tzoroddu
• nov 4, 2009, 10:15
Gentili Signori,
Innanzi tutto mi pare paradossale che per portare le istanze unitarie di quest’area di discussione, si faccia una distinzione politica fra gli autori degli interventi (addirittura quattro).
Altra asettica valenza avrebbe un azzeramento dei colori politici. La politica, si sa, porta alla ghettizzazione degli, anche giusti ed elevati, concetti altrui, oltreché alla dispersione delle risorse atte a raggiungere un obiettivo.
Ma andando oltre questa considerazione di carattere generale posta in essere da privato cittadino, quale ricercatore indipendente, debbo dire con rammarico come questa pur encomiabile Vs. iniziativa, appaia a me medesimo come assolutamente qualunquista. Infatti, della storia e preistoria della Sardegna sembra essere conosciuta (come si evince dal Vs. depliant) soltanto la parte giudicale e la parte nuragica (oltre ad uno spaccato episodico e velleitario del XVIII secolo, presentato da un relatore), la quale ultima è ancora trattata a sproposito ed in modo superficiale, sottacendosi invece il grandioso vissuto degli abitatori della Sardegna che, almeno dal Paleolitico superiore, hanno dominato il Mediterraneo occidentale.
Reputo infatti che la Vs. lamentela, circa una non presenza nei programmi scolastici di una materia che tratti la storia della Sardegna, sia assolutamente sterile ove non vi sia alcuno (ed addebito questa privazione alla assenza di un’idea politica unitaria, posta in essere per amore della Sardegna) che si faccia carico di portare alla conoscenza dei più, lo straordinario valore civile, tecnologico e imprenditoriale dei Sardi della più vetusta antichità. Si vedrebbe come i Sardi non furono conquistati proprio da nessuno, ma furono essi ad assoggettare comunità d’oltremare alla loro superiore cultura.
• 
• Marku Kannas
• nov 5, 2009, 15:25
Saludi Mikkelj, no est semplici a p’oni in peis unu attobiu comenti’e custu, tui pensas ca no eus pensau a Gigi Sanna, a Leo Melis, Z.F. Pintore? Bisongiara a s’accuntentai de chini po un certa dì est disponibili a beni a fai sa relata cosa sua! Nosus de su sulcis seu pensendi de diora de pesai unu caminu de attobius culturalis e politigus, pensa ca sa setzioni de su PSd’Az de Bidha’e Cresia at mandai una delegatzioni, atrus ant a beni de atrs bidhas. S’intentzioni est de donai tzichedhus de cultura e de politiga indipendentista a sa genti, de siguru una manera est custa de attobiai is iscolas, apustis sa genti, po podi pesai unu minimu de unidadi, chentza de nisciuna pretesa! Tengu e teneus atras ideas in cantieri, tres annus faidi a sa sola apu postu in peis una mostra de fotos e de paperis po arregordai sa furriada de su millenoixentus’e ses, sa cosa est praxia a casi cincuxentus vistadoris chi ant potziu biri: paperis de comenti est nascida sa Sardigna, paperis geograficus po fintzas’e in arabu, nuraxis, domus de jannas, po fintzas arribbai a su Tempus’e Mesu, personagius istoricus e politigus, in pagus fuedhus prus de ottuxentus cincuanta petzus, in casi unu mesi cinxentus personas ant potziu biri e sighiri custu arrexonu. In su mentris apu chistionau cun atrus comenti’e Mario Pudhu, Carlo Lai, Stefania galizia, Sergio Cossu, a bellu a bellu, ponendi dinai de bucciacca nostra e su tempus e sa gana, seus arrinescius a poni in peis cust’attobiu, chi bollit essi un’atru passu po portai ainantis s’arrexonu chi s’at uniu a nosus che seus persanas de diferentis movimentus politigus, est ca po binci sa dipendentzia bisongiara a fai cultur e possibilmenti politiga in mesu e sa genti. Ti torru gratzia po sa critica chi as fatu, sa prossima t’apu a fai asciri mellus s’idea chi apu tentu e cundividia casi totu cun is atrus, a s’intendi luegus sanus e allirgus, saludi e trigu.
• 
• mikkelj tzoroddu
• nov 5, 2009, 21:49
O Marcu (iscusa si iscrio goi su lumene tuo, ma paret ki sos ki istudiana sa limba nostra, nient ki su “K” si deppat ponnere a dainantis solu de su “i” e de su “e”)prima de tottu ti naro ki soe cuntentu de lezzere su ki naras.
Isco ene ki faeddare de Sardinna a sos Sardos est diffizile meda ca non de keren’intendere: est una cosa troppu pesante, fortzis prus pesante pro sas pessones de baranta, kimbant’annos ki no pro cussas de vinti. Diffattis a sos primos, sas mamas no lis ant fattu imparare sa limba issoro e los ant custrintos a imparare su faeddu italianu, creende, siscureddas, peri cussas istudiadas de universidade, anzis prus e prus issas, e cumbintas ki faeddare sa limba sarda no fakiat “zivile”. E deppo narrere ki custu est istadu, pro sos Sardos, unu dannu prus mannu de totu cantos sos makkines narados dae sos ki nanki istudiana sa Sardinna lato sensu. Ma in mesu a cussos Sardos de prima, sos ki sunu in Continente sunu quasi sos peus, ca issos cando ant lassadu sa Terra issoro, dikke sunu ispozados de tottu sa sardidade e comente pizzinneddos de kimb’annos ant cominzadu a ponner in mente tottu su ki fit continentale, canzellande finzas a fundu tottu su ki lis ammentaiat sa Sardinna, guasi guasi prenos de irgonza. Diffatis oe los bides, peri zente de sessant’annos, fakende cosas kena dignidade comente ant imparadu dae sos continentales, e soe nande custu ca lu pottho documentare. E si lis faeddas de s’istoria de sa Sardinna e lis naras e lis fakes bidere ki issa fit sa ziviltade prus manna de su tempus andadu, d’abbaidant comente maccu, cando prus e prus interessu ti daent sos continentales.
Duncas, Marcu caru, su ki appo cumpresu est ki si deppet cambiare sa conca de sos Sardos, ca ja est bellu gherrare pro ponnere s’istoria ‘e sa Sardinna in sas iscolas, comente fakes tue. At a esser bellu puru ki jeo m’arrenneghe ca s’istoria ki iscriene sos proffessores est tottu prena de makkines, ma si sos Sardos non furriant sa mente issoro a kircare issos e tottu, sas fainas nostras ke fininint in su mare mannu de su nudda.
A mezus bidere, mikkelj.
[ieo soe naskidu a Carbonia, ma Babbu e Mama fint de Orotteddi(pro cussu faeddo su logudoresu) e poi, minoreddu, ke soe lompidu in Continente (e pro cussu lu faeddo male)].
• 
• Marku Kannas
• nov 6, 2009, 10:48
Saludi Mikkelj, no ti depis iscusai nantis de totu, poita ca candu si arrexonara, bisongiara nantis de totu non scetti ascurtai ma intendi su ‘ollinti nai is atrus, de chinuncas est a perdi tempus debaras! Apena m’at essi possibili, custas dimonius de machinas chi, no nc’est siniali bonu no ti faint abberri is sitzigorrus chi arriccis, no potzu ponni ancora sa relata de Mario Pudhu. Diacci ses nasciru in Carbonia, eh, s’istoria mineraria, est un’atra perra manna de s’istoria nostra! Mi depu decidi a incumintzai unu libru no scetti fotograficu, de cust’istoria de is minieras, chi funt parti manna de s’identidadi nostra! A circai de essi profetas in domu nostra e caru miu, est che a pigai s’artziada po andai a su Bonu Caminu in Bidha’e Cresia! Perou ti potzu contai puru ca cust’istadi cun sardus disterrau e continentalis, in pari cun sa guida in Santa Cristina seu depiu intervenni a curreggi is istorias trotas chi apu intendiu: 1) ca nanca festis bascius; 2) ca nanca no scriestis; 3) scetti massaius e pastoris; 4) latinu e sardu. A sa primu apu rispundiu ca siguramenti genti chi at pesau turris, putzu sacrus, gigantis de perda, portus, ziqurat e totu su chi s’ant lassau no podiant essi nanitus! A sa segunda, sa Stele de Nora, atras cosas agataras in Sant’Antiogu, is gigantis, si dhus tenniri cuaus sa sovraintendentzia sarda de Castedhu e de Tattari! A sa de tres, apu nau ca no festis unu populu de attaccau a sa terra e bia, festis unu populu de marineris, de buttegheris, artigianus, in Solki ant agatau geroglificus in d’una tumba, depu indagai po sciri si est beru chi in Seruci annus faidi appant agatau tres mumias. Sa lingua, a unu laureau romanu, dh’apu portau a s’arrexonu, narendidhu ca su latinu est una lingua “indoeuropea”, poita dh’ant intregara is iscampaus a s’isderruimentu de Troja, mi seu intendiu arrispundi: dovevo venire in Sardegna per essere illuminato!Sa guida de santa Cristina m’at fintzas’e pregontau si emu scritu calincunu libru, apu arrispundi ca nci seu pensendi, eh ita candu apu nau ca calincunu o aposta o dieberus s’at tzerriau fenicius, iasta depiu biri is facis, dhis apu fatu is nominis de is portus, de is arrius chi si podianta navigai, ndi biesta genti a bucca aberta! Apustis dhis s’apu nau ca su passagiu de su brunzu a su ferru est mali contau, poita ca un civiltadi manna che custa nostra no spadessiri de oj a cras. Po comenti scris no dhu faidi nudha Mikkelj, deu puru seu inoi po imparai che picciochedhu de is elementaris. Torrendi a is contus nostrus, bisongiara a si fidai de chini bolliri fai che nosus, portai s’istoria sa cultura in mesu’e sa genti, giai a fai calincun’ora de laboratoriu in is elementaris podidi andai beni, perou a fillus nostrus bisongiara a dhis chistionai in sardu, possibilmenti a dhus bistiri in costumu po is festas paesanas, ca is pipius mancai po giogu incumintzint a cumprendi sa diferentzia! Ti saludu.

Commenta

Per la pubblicazione i commenti dovranno essere approvati dalla Redazione.

Fare clic qui per annullare la risposta.

Nome (Richiesto)

Email (Richiesta) - Non sarà pubblicata.

Website:

Tuo Commento:

Pone codice antispam pro inviare