Ammentu de Giuanne Frantziscu Pintore, su 24 de cabudanni in Nùgoro
Su 24 de cabudanni est sa data chi, in su 2012, est mancadu, a sa famìlia e a sos amigos, Giuanne Frantziscu Pintore, giornalista e iscritore, militante distintu de sa càusa natzionale sarda.
In ocasione de custu primu anniversàriu, nos amus a addoviare in Nùgoro pro l’ammentare, faeddende de LIMBA SARDA E IDENTIDADE OE.
Ant a leare sa paràula a propòsitu de custu argumentu e de sa vida de Giuanne Frantziscu unos cantos amigos. A pustis, ant a pòdere intervènnere finas sos àteros amigos presentes.
At a èssere presente sa famìlia.
A sas 7 de sero, su 24-9-2013, NÚGORO, pratza Bustianu Satta, in sa sala cunferèntzias de s’Assòtziu culturale IBIS (chi ringratziamus).
Bos isetamus,
Amigos e familiares
Diegu Corràine.
Redazione SANATZIONE.EU
[...] Su 24 de cabudanni, si bi dda faxides, andade a dd’ammentare in Núgoro: https://www.sanatzione.eu/2013/09/ammentu-de-giuanne-frantziscu-pintore-su-24-de-cabudanni-in-nugoro/ [...]
[...] per la giornata di commemorazione a Nuoro dello scrittore G.F. [...]