Ammentu de Giuanne Frantziscu Pintore 2015
In ocasione de sa die europea de sas limbas – 26 de cabudanni.
Su 24 de cabudanni est sa data chi, in su 2012, est mancadu, a sa famìlia e a sos amigos, Giuanne Frantziscu Pintore, giornalista e iscritore, militante distintu de sa càusa natzionale sarda.
In ocasione de su de terzu anniversariu, chenàbura 25-9-2015, nos amus a addoviare in Tonara, bidda in ue GF Pintore est istadu cun sa famìlia sua dae su mese de cabudanni de su 1984 a su mese de cabudanni de su 1987.
Comente amus fatu s’annu passadu in Pasada e, como duos annos, in Nùgoro, nos addoviamus pro s’ammentu de Giuanne Frantziscu Pintore (ed. 3/2015), faeddende de Giuanne Frantziscu Pintore e de s’òpera sua, ma finas de su tema “Su voluntariadu linngùisticu pro s’afortimentu de su sardu”.
Invitamus sos amigos de GF Pintore e de sa limba sarda a èssere presentes.
At a èssere presente sa famìlia.
A sas 6 de sero, su 25-9-2015, Tonara.
(Su locale in ue faghimus s’addòviu lu comunicamus carchi die in antis de su 25-9-15).
Organizant:
— Prèmiu GF PINTORE.
— EJA rivista.
— Sotziedade pro sa Limba Sarda.
Bos isetamus!
Redazione SANATZIONE.EU
