La grande Poesia Sarda: Giogos de su destinu
Abbista e de taglia mediana,
ponet a la mirare umore onu:
ogni membru in armonicu cunsonu
cuncurret a la fagher prus galana.
Totu sas posas risaltu li dana.
Mirada, andanta, risu e arrejonu
sedùin. Orgogliosa est de su tonu
chi li dan Hera, Venus e Diana.
E puru a custa imbidiada rosa
no b’at boladu un’abe, po li dare
s’annuntziu ‘e si fagher a isposa.
Pecadu! Fut istada un’esemplare
muzere, e poi una mama diciosa
e una nonna ‘e imbidiare.
Remundu Piras,
Biddanoa Monteleone, 1905 – 1978.
Iscarica custu articulu in PDF
Redazione SANATZIONE.EU
