EGERIN: Su primu motore internèt in limba Curda

Est in pessu essidu a campu su motore de chirca EGERIN, in limba curda, addatu a chircare curda, sena èvere colare dae àteras limbas.
Destinadu a sos 40 milliones de Curdos, su motore tenet un’interfaghe neta e minimalista pro s’utente. Assimìgiat a Google. Sos visitadores podent chircare e agatare vìdeos, figuras e noas.
Pro chircare caràteres tìpicos de su curdu, incarchende in su campu de chirca un’icona apòsita, essit a campu una tastera “curda” virtulae cun totu sos caràteres tìpicos suos, macari s’utente non siat impreende una tastiera fìsica addata.
Pro impreare EGERIN, incarcade in su ligàmene postu in sa prima ria.
Un’ocasione in prus chi nos mustrat comente Internèt podet èssere un’agiudu mannu pro s’isvilupu de sas limbas natzionales.

Diegu Corràine, Limbas & Natziones.

Iscarica custu articulu in PDF

U.R.N. Sardinnya ONLINE – Natzionalistas Sardos

Be Sociable, Share!

•